Политика за приватност

Кога создаваш профил: име, е-пошта, телефонски број и лозинка. Лозинката никогаш не се чува во читлива форма — се чува само нејзин криптографски отпечаток (scrypt), кој не може да се врати назад во оригиналната лозинка.

Кога поставуваш оглас: сè што ќе внесеш во формуларот — наслов, цена, град, категорија, опис, слики и контакт податоци.

Технички: колаче за сесија што те држи најавен, и стандардни серверски записи (IP адреса, време на барање) кои нашиот хостинг ги води за безбедност.

Огласот што ќе го објавиш е јавен — вклучувајќи го името и телефонскиот број што си ги внел во него. Тоа е целата поента на оглас: купувачите да можат да те контактираат.

Твојата е-пошта НЕ е јавна и не се прикажува никаде на сајтот.

Ако не сакаш твојот приватен број да биде јавен, користи број наменет за продажба.

За да работи сервисот: да ти покажеме оглас, да те најавиме, да ги поврземе твоите огласи со твојот профил.

За безбедност: да спречиме лажни огласи, спам и злоупотреба. Затоа постојат дневен лимит на огласи и пријавување огласи.

Не ги продаваме твоите податоци и не ги отстапуваме на трети страни за маркетинг.

Огласите остануваат додека не ги избришеш ти или додека не ги отстраниме поради прекршување на правилата.

Податоците на профилот остануваат додека профилот постои. Кога ќе побараш бришење, го бришеме профилот и сите огласи поврзани со него.

Сесиите истекуваат по 30 дена.

Имаш право да побараш копија од твоите податоци, да ги исправиш, или да побараш целосно бришење на профилот.

Дел од тоа можеш да го направиш сам: уреди го профилот во Поставки, а огласите избриши ги од Моите огласи.

За сè друго пиши на hello@oglasi360.mk и одговараме во разумен рок.

Користиме едно неопходно колаче — за сесија, за да останеш најавен. Нема рекламни колачиња и нема следење низ други сајтови.

Изборот на јазик е дел од адресата (/mk, /sq, /en), не колаче.